أناشيد إبداع - ياقصيدي

يا قصيدي طال ليلك بالصدود وبالعناد
والقضية ما تحمل لا عناد ولا صدود

هات راسك ودي اكتب والحبر دم الفؤاد
في زمان الذل جيتك والصبر جاله حدود

انكشف وجه الحقيقة وابتداء العلم الوكاد
والشواهد للمشاهد ما تبي قول الشهود

يا عرب شفتوا جنين الغارقة وسط النفاد
يا عرب شفتوا وشفتوا عربدت جند اليهود

الضحايا بالشوارع حركت حتى الجماد
مسجيات فوق الارض بلا قبور ولا لحود

اليهود الله عليهم بالصباح وبالهجاد
نطلب الله بالركوع وندعي الله في السجود

ينتقم للشعب الاعزل من يدين الاضتهاد
ينزل الله فوقهم ما انزل على عاد وثمود

استباحونا وعاثوا في حرمنا بالفساد
ما لقوا فينا رجال تردع الظلم وتزول

يقتلون الشيخ الاعزل والطفل وسط المهاد
والبلابل والحمايم والبراعم والمرود

بين صرخات الثكالا واليتاما يالعداد
ما جحدنا الا العميل ولا عملنا الا الجحود

مرحلت ذل وهوان ما حصل من عصر عاد
بالفعل نمشي نزول وغيرنا يمشي صعود

ما تبعنا ابن الوليد ولا اتبعنا بن زياد
لا احتمينا في صلاح ولا صناديد الجدود

يا فلسطين الحبيبة ما لنا غير الحداد
والعباير في الحناجر والدمع فوق الخدود

الصراحه والحقيقة يوم ركض الهم قاد
والله انه في سجون واسعات بلا قيود

في زمن قهر الرجال وبيع الامه في المزاد
يالله افرجها علينا ياغفور ويا ودود

الفتايل مستعدة وين راسك يالزناد
لو تشب النار نكسر في عيون الذل عود

ارحمونا يا جماعه ما بقى فيها اجتهاد
اسمعوا نبض الشوارع وكل فعل له ردود

للحدث نبضت حسام وللخطا كبوة جواد
خيمة طالت وقالت ما لخيمتكم عمود

الصبايا بالحراره عيرنا فالبراد
حرضنا للجهاد وودعنا للخلود

شفتوا آيات العروس ترتل آيات الجهاد
اخرستهم بنت الاخرس بالشجاعه والصمود

واتبعتها عندليب وراحت اشلائها سماد
في ثرا ارض الانتفاضه والصواعق والرعود

يا حمات الدار صرتوا للوسايد والرقاد
والبنات يفجرن اجسادهن مثل الاسود

والله انا لابسين بالملامات السواد
يوم نخضع بالمذله للخنازير القروود

ساااااااامعين وطاااايعين وخاااضعين بأنقياد
حااافظين للعهوود ومن يخون من العهود

يا خسارتنا المريره نارنا صارت رماد
واحد وعشرين دوله ما تصدوا لليهود

تميــ100